鄭中基日前接受網上節目《千嬌百媚》的訪問，與官恩娜、Angela和唐詩詠大談性史。鄭中基被問及初夜情況和怎樣解決性需要等問題時，講個滔滔不絕，他憶述一次在美國做愛時遇上地震，場面惹笑。
鄭中基日前接受由官恩娜、唐詩詠和Angela主持的網上節目《千嬌百媚》訪問，被問及初夜，鄭中基強調當時已經到了合法年齡，他笑說：「當時個情況真係好混亂呀，又差錯腳又整跌晒啲嘢，其實嗰時唔係好知個step應該係點，又怕啲步驟做錯咗就會出事有BB，總之就唔知做緊乜啦。」
吹氣公仔嘥氣
鄭中基又透露在美國時，有過一次難忘的性經驗，他說：「嗰時做做吓無端端地震，初時自己都唔知點解會搖得咁犀利㗎，後來先feel到係地震啦，之後就即刻着衫走去一個空曠地方啦。」
官恩娜其後問鄭中基沒拖拍時怎樣解決性需要，但鄭中基卻表現得十分敏感並說：「我唔會答呢個問題。」當他知道官恩娜並非追問他的戀情時，鄭中基便即時伸出自己一雙手並笑言：「我冇女朋友時我重有一雙好知己，就係我一對手啦。我就一定唔用吹氣公仔，吹得佢脹咗之後我都冇晒氣啦。」
拒絕玩一夜情
鄭中基表示沒有試過一夜情，他說：「一夜情我真係唔敢試，你點知嗰個係乜嘢人嚟㗎，而且做完呢件事又會好怕俾女朋友知道。」最後，鄭中基指日後必定會向兒女灌輸正確的性教育，他說：「𠵱家好多後生仔女唔夠合法年齡就發生性行為，佢哋根本就冇諗清楚後果會係有幾咁嚴重。」
採訪、攝影：李珮洳