梁洛施在電影《虫不知》中被垃圾襲擊，全身全面都是垃圾，幸好只是蕉皮、橙皮、紙巾等輕量級垃圾，Isabella說：「導演叫我含住蕉皮，面上另一邊又擺塊橙皮，結果沖咗三次涼先敢上床瞓覺。」
電影《虫不知》由梁洛施（Isabella）、陳柏霖、關智斌（Kenny）和Twins主演，將在下月二十一日上映。
「最驚用過嘅紙巾」
Isabella在戲中不顧形象，其中一幕講述一班奇能異士少年與Isabella在黑夜街頭對決，用垃圾襲擊她，Isabella走避不及，全身沾滿垃圾，Isabella說：「導演好錫我，已經專登唔搵啲好核突嘅垃圾鋪喺我身上，我最驚係用過嘅污糟紙巾。」
幸好這些垃圾都屬「輕量級」，只是香蕉皮、橙皮、紙杯、紙巾碎、百力滋盒、汽水罐等，Isabella說：「導演叫我含住蕉皮，面上另一邊又擺塊橙皮，果汁整污糟咗我塊面同啲頭髮，結果嗰晚返到屋企，沖咗三次涼先上床瞓覺。」
汽水罐擊頭險暈倒
拍攝時其中一個汽水罐還擊中Isabella的額頭，使她紅了一大片，Isabella即場痛到大嗌一聲，之後還頭暈，幸好小休一會後沒事。柏霖和Steven在片場內老友鬼鬼，經常整蠱做怪，把Isabella逗得十分高興。
日前Isabella和柏霖又要在影樓拍攝全新一輯宣傳照片，兩人要拿着透明膠雨傘你眼望我眼，柏霖說：「其實影相當日我患上重感冒，拍攝時不斷包雲吞，又要等個鼻冇咁紅先可再影，結果兩款相影咗大半日。」
採訪、攝影：張俊銘
