梁洛施（Isabella）首次擔正主演的電影《虫不知》即將上映，Isabella在片中的多個鏡頭均要配合特技場面，需要對着空氣做對手戲，起初更令Isabella有點不知所措，她說：「初時好緊張，唔知自己做緊乜嘢，加上一諗起要對住空氣做戲就有啲驚，對於一個新人嚟講真係幾高難度。」
「成日以為冇鎖門」
而Isabella又將推出其首本寫真集，令她漸漸開始有種患得患失的感覺，Isabella笑說：「之前我都好緊張，有時候出門嘅時候成日以為自己冇鎖門，但係返屋企又發現已經鎖好咗，我重成日自言自語，連助手都笑我緊張到思覺失調！」