藍芽，在大部份人心目中，大概只是用來連接Hands-free；其實歐洲同台灣等地手機發燒友，早已利用藍芽那既可穿牆，又可機對機的傳輸特性，創製出很多新玩意！今次為大家介紹，是屬於Bluetooth的其中一門學問──傳達訊息。說到底，現時近半數型號手機都支援藍芽，想找個朋友傾偈談心，又何須知道對方的電話號碼？一部藍芽手機，簡直有如一部流動SearchEngine，可以幫你隨街搵「芽友」、打「芽」骹！
記者：陳國輝
攝影：黃子偉
Models：Blanche、Johnny、Hazarene、Ken(Salvador)
見Friends「10」法
新款手機大部份都具備藍芽功能，原來藍芽除了可以幫你駁Hands-free或者將手機資料傳給電腦外，重可以Search友，只要大家部手機有藍芽，就可以在方圓10米搵朋友打「芽」骹嘞！
Search友法：
想啟動「藍芽搜尋功能」，只要找出平時搜尋藍芽Hands-free的地方，一Search就尋找出附近開啟了藍芽的手機，得到這個資料後，就可以開始打「芽」骹。
結識「芽友」三招
根據不同型號的手機和功能，結識「芽友」的方法其實有好多種，若以手機內置設定為例，只要學識下面三招基本功，就夠資格「落山」發揮所長！以下有三個現實生活案例，現以《警訊》方法重演，想偷師就要留心喇！
第1招：名片介紹玩好奇心
好多人只知電話簿可以用嚟記電話，其實如果入自己的個人資料落去，還有「名片」功能！名片內容包括有電話號碼、興趣嗜好、電郵地址等資料介紹，雖然全文字，不過失驚無神收到，好多人好奇心驅使下，都會四周圍搵吓佢係邊個，咁咪得手囉！不過大家留意不同牌子手機互傳名片，有機會出現爛字，所以要訣是搵同牌子手機打「芽」骹，成功機會較高。
手機示範
好寫手機代表
Johnny打「芽」骹心得
發送「名片」只不過是將聯絡人資料，例如姓名、電話號碼、E-mail地址等發送給對方，；如果大家係第一次見面，甚至乎從未見過，名片的作用就變成自我介紹的工具。
第2招：錄音傳情 密碼0000
Kevin喺巴士站撞到個靚女，見佢帶住藍芽Hands-free，馬上二話不說就用「藍芽搜尋器」搵到佢；但礙於佢唔識用手機輸入文字，所以想出以藍芽發送「錄音檔」；當手機與手機間進行第一次藍芽連接，收訊人在接收「錄音」前，需要輸入一組PINCode，跟着，發訊人手機又會被要求輸入同一組PINCode，只要兩組數字為一樣，就可以即刻Connect！而呢組PINCode經輸入一次後，日後對住同一部手機就能自動確認身份，咁就可以任留錄音！
手機示範
錄音手機代表
Hazarene打「芽」骹心得
韓Phone當中內置Bluetooth的機款不多，E628支援無限長時間錄音，音量跟內置和弦鈴聲一樣夠清！
第3招：自拍Movie玩誠意
講到最終極玩法，係Blanche喺泳灘收過的藍芽Movie；自我介紹、又加網上下載得意片段Mix埋一齊，當然特別有心思啦！
如果想玩得出色，大家尤為留意SonyEricsson手機，較新形號有《DJVideo》功能，可以加文字、加相片玩機內剪輯短片，表達能力當然更加強啦！不過發送短片同樣受PINCode限制，有心玩嘅就記住「0000」啦！
手機示範
拍片手機代表
Blanche打「芽」骹心得
我都收過呢種藍芽Moive，夠創意又有誠意，當然要識佢啦！
打「芽」骹小貼士
貼士1：更改手機名稱
無名無姓，人哋點知你乜水？一般手機都預設型號代碼為「藍芽通訊」名稱，所以玩打「芽」骹前，記得入藍芽的「我的手機名稱」，加番自己個大名。
貼士2：公認通訊碼「0000」
𠵱家打「芽」骹公認PINCode碼為「0000」，有誠意同人傾落去就記得入呢個密碼。
貼士3：真、假藍芽之分
藍芽有真、假之分！假藍芽只可駁Hands-free，經典者有SharpGX32，不過近年推出的藍芽手機多是真藍芽，即具備數據傳輸功能，出新機前，問清楚！
貼士4：隱藏藍芽功能
唔喜歡打「芽」骹俾人騷擾，謹記進入藍芽功能，選擇關閉或隱藏就可以。
(a)嘜哥電訊
查詢電話：23931300
地址：先達廣場地下G78號舖
(b)全新世界
查詢電話：27879002
地址：先達廣場地下G28號舖
(c)SAMSUNG
查詢電話：28626001