想同基仔影相去apm

標榜開夜市嘅觀塘apm商場，宣傳攻勢未停過，今個禮拜六晚又搞《apmX古巨基勁歌金曲影相會》。
新地喺商場搭咗個展覽館，展出基仔勁歌金曲演唱會四件戰衣、相片及機械手，任人影相。聽講，發展商使咗五十萬。
明星素來有吸引力，歌迷只要喺商場消費滿八百，可換影相證一張，聽歌之餘，可以同Leo影相。
為咗招徠更多夜鬼，晚上幫襯有優惠。