鍾鎮濤從影三十多年來，拍過近百齣電影，今年他首度有機會參演有荷李活資金的新片《上海紅美麗》，與鄔君梅合演夫妻。阿B表示對此片期望甚高，希望憑《上》片踏出為國爭光的第一步。
鍾鎮濤近日忙於為新片《頭文字D》宣傳，稍後則赴上海拍攝中美合資大製作《上海紅美麗》，該片由內地當紅演員鄔君梅、孫紅雷、葛優及阿B合演，荷李活導演OscarLuisCos-to執導，阿B則飾演鄔君梅的丈夫。
大讚劇本出色
阿B自言從影多年拍過近百部電影，但今次還是他首度參演有美國資金的電影，他說：「我第一次拍荷李活電影，似乎拍嘅片愈嚟愈大，我哋一星期前傾掂，我覺得演員就好似一塊石頭，需要有個好嘅工匠嚟琢磨，呢套戲劇本好好，班底又好，我為咗呢部戲推咗四、五份工作呀。」問到酬勞是否令他滿意時，阿B說：「我keep住做嘢囉。」
七月初阿B便會到上海投入拍攝工作，逗留約一個月，他說：「我希望呢部戲拍出嚟大家都鍾意啦，我好多朋友都為國爭光，喺外埠攞好多獎，今次係我一個好開始，我都想為國爭光，除咗荷李活導演同演員，可同葛優、孫紅雷呢啲內地最出色嘅演員合作，都係好難得。」
積極籌組新band
阿B近年主力拍戲，只在去年推出過一張國語碟，不過他表示音樂對他是不可停止的，正積極籌組新band「樂飛」，他說：「隊band重埋緊班，我都一樣作緊歌錄緊歌，𠵱家玩音樂係用好輕鬆心情，唔會為咗出碟而作歌，所以好開心，重可以確保質素。」
採訪：蔡如玉 攝影：陳偉權
