TVB早輪播《大長今》大收旺場，雖然𠵱家已經喺翡翠台播完，但佢哋繼續「斬多三両」，將套《大長今》喺收費電視──新電視繼續播放。有線電視見到全城長今熱，自然唔執輸，前排推出套餐計劃，送《大長今》DVD。TVB話佢侵權，兩台「互片」。本來以為事件已終結，點知重有下文。
話說新電視營運受政府條例監管，有線噚日向法庭申請禁制令，阻止佢播放《大長今》同另外四條頻道；根據監管條例，TVB提供予新電視的頻道內容需要經過一公開競投程序，等其他有興趣人士都可參與。有線話已向廣管局投訴，但由於需時處理，加上《大長今》本月就會開始喺新電視播放，在別無他法之下，惟有向法院尋求協助，禁止對手播放有關節目。被人將軍，新電視噚日只能夠話，事件已交予律師處理，暫不予置評。
傳真︰2623-9278
電郵︰[email protected]