達明一派噚日接受商台訪問，黃耀明（右）話新碟鐵定七月一日回歸紀念日推出。明哥又話新碟裏面有唔少好有意思嘅歌，好似有首叫《假大空》，內容反映社會充斥唔少大話同空話，明哥重話娛樂圈都有唔少呢啲「假大空」嘅情況。另外一首歌《O女郎》嘅歌詞講述啲OL成日發夢變成張曼玉，得到梁朝偉嘅歡心，內容都幾搞鬼。