中央為咗要穩定，唔畀煲呔曾換官員，堅持要乳豬全體過渡，結果肥平就可以博大霧留低，認真好命。肥平唔使俾人叮走，最大功臣就係民政事務局副秘書長余志穩，如果唔係佢老兄頂住個局、撐住個場，睇怕肥平都冇得留低。
余志穩唔單止幫肥平搞掂晒啲賭波、平機會、人權同種族歧視立法呢啲棘手嘢，上星期記協Ball，肥平坐緊飛機返香港，余志穩重以記協之友嘅名義包咗一圍枱籌錢，幫埋肥平搞好民政事務局同傳媒關係。
余志穩負責嘅賭波好成功（宗教、教育團體當然覺得相反啦），已成為博彩稅其中一支大水喉。連馬會主席夏佳理都話，十年前香港就話「馬照跑、舞照跳」，𠵱家可以加埋「波有得賭」都得。
傳真︰2623-9278
電郵︰[email protected]