煲呔曾已經內定許仕仁做政務司司長，待中央領導人正式睇過張名單後，相信肥許好快就可以上任，話晒肥許當年，有份同煲呔曾一齊打大鱷，領導人梗係信得過肥許嘅能力。不過做咗官之後，睇怕肥許就要好似當年唐唐加入政府做工商及科技局咁，辭去馬會董事呢個職位。
馬會主席夏佳理同八方講，官員係唔可以做埋馬會董事，費事出現角色衝突，如果肥許要做官，佢都會尊重肥許嘅決定。
肥許同唐唐都好熟，自從唐唐冇做馬會董事之後，八方有時都會見到唐媽媽喺肥許嘅馬會貴賓包廂度出現，肥許辭咗職後，唐媽媽間接就變咗「受害人」囉。
傳真︰2623-9278
電郵︰[email protected]