北京噚日正式宣布煲呔就任特首，今個星期五煲呔喺領導人面前宣誓就職之日，相信亦係佢人生最高峯之時。煲呔由一名推銷員到考入政府做行政主任，再轉做政務主任，之後一步步攀升到位極人臣，無可否認確係一個傳奇。而佢亦係開創歷史人物，事關香港由殖民地時代至今，冇一個官員可先後入住財爺官邸、政務司司長公館同前港督府（𠵱家叫禮賓府），煲呔真係前無古人，至於係咪後無來者，就真係好難講。
煲呔打政府工多年，一直有宿舍住，唯一一次置業就係買番父親舊居，佢做財爺時住財爺官邸，之後摸頂搬上山頂白加道，入住政務司司長官邸，標誌仕途邁上高峯，𠵱家再上層樓，遲啲重會正式入主上亞厘畢道禮賓府，都可算係香港百年難得一見奇遇。
爆料熱線：29290000、27860099
報料傳真：26239278
報料電郵：[email protected]
