香港獅子會成立咗八十八年，噚日佢哋第六十一個港澳地區分會，叫做「香港環球獅子會」。獅子會不嬲係國際組織，點解又整多個「環球分會」呢？擔任創會會長嘅香港霓虹光管大王譚華正就解釋，其實香港好多精英都想無分地域咁服務人群，好似南亞海嘯咁，佢哋就籌咗百幾萬。
香港環球獅子會已經係譚華正創立嘅第三個獅子會，佢曾多次用獅子會名義捐錢，研究中西藥，重喺內地起醫院同中小學。今次佢哋搵咗好多教育同文化界猛人做創會會員，好似港大程介明、中大評議會殷巧兒、指揮家石信之、中大聯合書院院長馮國培咁，噚日出席創會儀式重一齊唱「獅子歌」同埋飲「獅子奶」，意味大家正式成為獅子會嘅新生嬰兒。
爆料熱線：29290000、27860099
報料傳真：26239278
報料電郵：[email protected]