領匯上巿一波三折，想喺立法會傾吓都阻礙重重。立法會房屋事務委員會噚日開會，原本諗住聽政府滙報吓領匯嘅進展，點知一開波就俾人窒住，大嚿陳偉業擔心立法會嘅討論會影響終審法院嘅判決，大班鄭經翰跟住附和，最搞笑係繼唔繼續討論嘅決定權，原來喺委員會嘅主席、身兼房委會委員嘅陳鑑林手上，陳鑑林聽完法律顧問講完佢嘅重要性之後，覺得非常尷尬！
八方同班行家就笑到碌地，結果都係由議員舉手決定，得長毛梁國雄一個人力排眾議贊成繼續傾，事後大嚿同大班都話件事係主席嘅責任；八方就唔明，點解佢兩個咁有先見之明，又唔一早出聲？搞到嘥晒啲官員同議員嘅時間。
爆料熱線：29290000、27860099
報料傳真：26239278
報料電郵：[email protected]