一機在手，世界通行。任何人都可以做攝影師、導演，這個「機」字在新世代的意思，可以是數碼攝錄機，可以是數碼相機，還有隨身物品──手機。現時多個討論區早已開闢手機短片區，質素當然差過數碼相機，但勝在就手，相信呢股潮流有排熱，靠手機拍片一夜成名，亦唔係春秋大夢，網絡流通量應該勁過入戲院人次。
記者：邵超 攝影：梁細權 模特兒：Va、Dan、Sharon（Salvador）
鳴謝：天神村（中環威靈頓街51號地庫B室）
後生仔追求
數字遊戲
去年一項調查，十三歲至十五歲組別中最多人擁有手機的是香港人，富貴過好多人的後生仔，手機有拍照、攝錄、MP3、藍芽已經叫做基本套餐，他們所追求的是數字遊戲：幾多百萬像素、手機型號等數字好似咒語，但他們完全入晒腦，邊部手機In和Out都背到滾瓜爛熟，或者未來課本內容用數字寫會好賣過《達文西密碼》，個個刨完數字書即變高材生。
GoogleVideo
成名捷徑
GoogleVideo的出現，相信令香港人拍攝的手機短片有機會打入國際。Google是世界上最多人瀏覽的網頁，雅虎緊隨其後，微軟都想分一杯羹，大家都爭緊視頻搜尋一哥。最新最User-friendly要數GoogleVideo（ http://video.google.com），雖尚在測試階段，但已廣邀各路想做、想扮導演的人上載影片到該網站。成名要早，拿起你的手機來！
有趣短片網站：www.jumbotak.com
手機
未來可看MV
手機下載電影Trailer、鈴聲、聽mp3唔算新鮮，但號稱世界首創的手機用音樂錄影帶平台──FLUX的出現，就是透過潮流領導國日本來測試手機播MV係咪有商機。FLUX是由美國媒體集團Viacom屬下MTV網絡，與日本第二大手機經營商KDDI的結晶品，從6月30日起，使用KDDI手機或網上服務的顧客，可以睇到獨家的精采簡短音樂及動畫錄影帶，香港人鍾意跟日本潮流，但暫時就無得跟喇！
全球反面教材
分享手機短片原意是為生活遇到或發生的有趣的片段留個紀念，並透過網絡傳送，不過通常流通最廣的，都是衰嘢，愈賤格、搞鬼就愈多人傳，試過睇別人傳來的短片，短片播放後畫面出現www.skoopy.com網址，於是諗住Click上網睇多啲搞笑短片，點知連結至成人網站，都算大整蠱。你有無收過以下的片段？
1.英國：HappySlapping 虐打成風
真的懷疑由英國一些Garage音樂場所興起，至風行全國的「HappySlapping」，是跟電影《我的野蠻女友》有關。「HappySlapping」一點也不「Happy」，只是在近一年，一班無聊人向無辜的人下手掌摑、拳打，再拍成短片放上網流通國際，所以要頒個最無聊短片獎畀呢班「垃圾電影工作者」。
2.美國、英國：PlayingChicken 死都要拍片
英國至喪的短片，除咗「HappySlapping」外，還有「PlayingChicken」鬥大膽遊戲，一班英、美反叛心和自尊心都強到爆燈的無聊後生仔，跳進火車軌，然後在火車貼面而過的一刻前閃避，過程由朋友仔拍下放上網或在傳放給朋友炫耀一番，風潮由美國吹起，迅速風靡英國，兩地現時已搞出三條人命，多人入獄的紀錄……我寧願認膽小鬼。
數碼化撞出人才蕭子文
憑《溜．紅綠藍》獲頒「第十一屆WRO國際媒體藝術雙年獎」頒發評審推介獎，城市大學創意媒體學院應屆畢業生蕭子文，在學期間已找到人生方向，但他拍過無數短片，就從未試過用手機去做一件作品。不過他認為手機可以有很多可能性，靈感到即可拍攝，用來嘗試新實驗就最好。
「短片最受創作者同評審歡迎嘅係一種半監察、半紀錄式嘅拍攝手法，就例如拍攝一個人喺扶手電梯逆流而上，觀察電梯上乘客嘅反應等，拍攝手機短片㩒掣嗰刻，就好接近呢種手法，只係部份年輕人用嚟拍片炫耀自己嘅威水史，咁就變成壞處。」
林海峰激扮黎明超爆笑
最近網上熱傳林海峰版手機廣告真係超爆笑，模仿黎明唔理父親反對出海，拍得好鬼自然、專業。呢類短片除咗可以網上流傳，亦可以透過電腦download落手機，相信定必成為另類手機短片潮！
最受歡迎手機三甲（5月銷量/鐳射第八分店）
鐳射觀塘apm新分店推廣期間，購買手機及AV產品，除原有贈品外，另有特別贈品。
1.SonyEricssonK750i
$3,980（120部）
點解受歡迎：二百萬像素。
2.Nokia3230
$3,180（80部）
點解受歡迎：經濟抵用。
3.Nokia6680
$4,680（50部）
點解受歡迎：雙鏡頭，3G功能。
手機短片已成風
現今科技發達，手機等同身份證，人人手機在手，手機短片在全世界已經捲起不同的熱潮，除咗追潮流和與人分享外，講到尾，手機主要是為年輕人塑造一個夠In的形象而服務，當人人拍手機短片，你就只係得手機相片，唔通你唔拍𤓓咩!?
隨街噏幾句
