今晚又跑夜馬，希望天公造美，不致腰斬賽事咁掃興。不過就算馬照跑，有隻馬都冇得玩，邊隻？就係隻「多寶來」。
八方聽聞「多寶來」原來計劃今晚出賽，但係因事要退出。呢隻馬係團體馬，馬主有馬寶豐、馬寶基、馬烈堅、馬保隆、馬漢堅等人，養在李易達馬房，曾經贏過兩亞兩季，合共得獎金五十二萬有多。
馬家係本港著名工業家，以做眼鏡出名，最近重出巨資收購美國同業，但佢哋間上市公司泰興就停咗牌，好似話同巨額銀行貸款有關，詳情可以睇財經版。至於隻馬點解唔出得，馬會消息話有人個會籍暫時被吊銷，原因就話唔講得；同系啲馬有冇受影響？只有馬會知，大家都唔知。
爆料熱線：29290000、27860099
報料傳真：26239278
報料電郵：[email protected]