嘉里係九龍灣大地主，旗下企業廣場三期喺九龍灣一柱擎天，成為地標。嘉里出咗本《企業廣場刊物》，最新一期講九龍灣物業投資前景，列舉五大競爭優勢：有財團投資呢區、寫字樓同商舖升值幅度大、交通網絡及配套完善、跨國企業進駐，以及有龐大零售同貿易商機。總之，前途似錦咁話。
第一太平戴維斯區志斌話，𠵱家至○九年，東九龍新增九百萬呎寫字樓，九龍灣佔五百七十萬呎。舊年呢區寫字樓租售價升三四成。咁究竟供應增加，係令個區更旺，定會壓低個價？
係咪好難答呢？不如關心下企業廣場三期新租客OliversSuperSandwiches有乜好嘢，係酒店式宴會送餐服務，還是意大利著名品牌illy咖啡。