二十位候選港姐前日在斯里蘭卡探訪大象孤兒院，她們親自餵小象飲奶之餘，又參觀大象在河邊沖涼，其中14號鄧上文站在河邊時被大象用鼻哥騷擾，嚇得她即時後退。
事後鄧上文說：「我真係驚俾佢吸走我對鞋，我唔係第一次睇大象，但係第一次見咁多喺度自由行嚟行去。」8號葉翠翠首次見大象，但她揚言見到現場不少流浪狗十分可憐，葉翠翠說：「我屋企養咗四隻貓四隻狗，平時我都會定時餵樓下嘅流浪貓狗，亦會帶佢哋睇醫生，但呢度人都食唔飽，何況係狗。」
馬國明靠後站
一眾佳麗及工作人員經過八、九個小時車程才到達目的地，對此港姐外景嘉賓馬國明說：「呢度啲人揸車好似內地咁驚險，但為人就幾友善。」而馬國明與候選佳麗合照時又刻意退後一步，還蹺手以示清白，馬國明說：「我同佢哋冇話邊個特別熟，不過覺得15號陸詩韻唔錯，側面嘅樣似張可頤，亦有少少郭羡妮feel。」
記者卓美娟、葉君海 斯里蘭卡直擊