陳冠希、周杰倫、陳小春、余文樂、鈴木杏、鍾鎮濤、杜汶澤、黃秋生、劉偉強和麥兆輝，昨日在黃埔出席電影《頭文字D》記者會。該片拍攝時傳出不少是非，除了演員之間傳不和外，又傳小春跟導演劉偉強和麥兆輝不咬弦，各演員昨日均否認其事。
但陳冠希（Edison）就公然爆粗批評所穿的戲服，他說：「我個角色好高傲，但戲服就唔啱feel，我着嘅衫都唔襯、唔夠型，『XX哋』，好娘，所以我有一半係出私伙。」
「呢啲嘢唔係佢決定」
劉偉強聞言語帶不滿地說：「唔靚咪自己帶囉，呢啲嘢唔係佢決定，我唔會用佢舖頭啲衫。」至於杜汶澤更嘲諷地說：「我偏偏覺得戲入面嘅戲服型到飛起，導演講求和諧，唔會為一個演員破壞觀感，唔係識着衫就可以換衫，要顧及環境同對手。」
問阿澤是否覺得有人破壞和諧？阿澤說：「我自己就唔會囉。」而余文樂則笑說：「我成套戲得件皮褸，只可以改褲腳長短咋。」
