衞生福利及食物局局長周一嶽上周五喺記者協會嘅籌款晚會大講三級笑話，話煲呔同老婆兩個公開都咁親熱，晚上應更精采，八方都驚佢畀煲呔郁，不過前日父親節見佢出席到一年一度「無國界醫生日」展覽揭幕禮，就知佢重「健在」。
今年展覽最特別之處，係專登喺非洲運咗個「捕蠅器」嚟香港，呢個體積達一立方米嘅「捕蠅器」，即係香港用嚟捉烏蠅嘅「蒼蠅貼」，但呢個捕蠅器唔係要嚟捉烏蠅仔，反而係專捉一種傳播昏睡病寄生錐蟲嘅烏蠅「采采蠅」。對呢個巨型捕蠅器有興趣嘅市民，可以喺九月九號至十一號，去葵芳新都會廣場天晶館睇睇。或者九月二十三至二十五日去奧海城二期地下主題中庭睇吓嘅！
爆料熱線：29290000、27860099
報料傳真：26239278
報料電郵：[email protected]