以前大陸留學生在日本，兼職離不開壽司店執碟或便利店收銀。但根據總統戲院附近的水貨店老闆透露，現在中國留學生搵錢新招，是加入排隊黨在裏原宿搵食，邊排隊邊溫書或打PSP，比靠出賣勞力賺錢舒服得多，工作性質尚算與潮流有關，絕不失禮。據行內人消息，現活躍原宿的大陸排隊黨為數約五、六十人，遇上熱貨開賣，可吹雞過百人，實力與日本當地排隊黨不相伯仲。有先達陳果之稱的水貨店老闆說：「日本呢班大圈好團結，入貨有時重有效率過日本排隊黨。酬勞為貨價10%，不過有附加收費，例如遇上落雨，每件貨加?1,000、落雪加?2,000、通宵加?3,000，統一收費，冇頂爛巿。
「通常由到日本冇耐嘅中國留學生排隊，留喺日本比較耐嘅後生仔就做統籌，調兵遣將同預備現金入貨，好幾個已做到買車買樓，長居日本㖭。不過佢哋要有充足水頭，因為我哋唔會預支上期，只會見現貨先畀錢。早幾個禮拜，佢哋為咗買隻星戰KUBRICK，就調動過百人，一時間裏原宿變成小中國咁。不過日本排隊黨似乎唔多高興，因為被人分薄利潤，發生衝突是遲早的事。」
主持人：大食Jack
八卦熱報：[email protected]