藝人古天樂入住嘅何文田京士柏山，落成幾年，發展商恒基近日趁樓市空檔，加強宣傳，一連四日，同代理行合作，搞誓師之類，乘機見報。 噚日第一天，由美記出馬，除咗例牌二千人大場面，恒基營業部總經理謝偉銓，與美記執行董事陳坤興，嚟個別開生面嘅揭幕儀式，齊齊手揸一束金色氫氣球，寓意個盤身價會升到飛起。 今日輪到中記幫手誓師，唔知有乜新招呢吓？