湯告魯斯前日被BBC員工射水大整蠱，不少本地藝人均議論紛紛，其中滕麗名昨日在電視廣播城說：「我覺得嗰個人唔啱，佢係大明星，咁樣做已經係有計劃、有部署，心地唔好。其實都幾驚，射出嚟如果係鏹水，或者係咪形嘅槍咁就大件事。湯告魯斯告人都係想警惕人，想當年都有偶像俾fans殺死啦。」陳豪則說：「咁佢始終係湯告魯斯，佢靠個樣搵食，佢嬲都係有原因。」
「保安有問題」
林保怡昨日宣傳新劇《奪命真夫》時說：「應該要告，都唔覺得好玩，人哋咁靚仔，驚係應該。換轉唔係噴水，係一支槍咪大件事？好明顯保安有問題。」同場的伍詠薇則說：「要怪都怪個電視台，同埋玩都要睇吓當事人嘅心情。」
而郭富城昨日在銅鑼灣出席一個活動時說：「係我實告佢，我覺得作為傳媒唔好刻意令藝人出醜，如果個整蠱節目係冇準備之下做，就唔係咁好。」
採訪：王崇穎、楊潔雯、張俊銘
攝影：林德雄
