雖然我唔認自己係飯桶，但我真係幾鍾意食飯。全因中醫告訴我食飯可以減肥！
有次看中醫，他一摸我隻手便說：「你梗係唔食飯啦，你咁鍾意運動，啲肉點會咁鬆軟㗎！梗係怕肥呢！食沙律？沙律醬咪重肥。飯本身冇脂肪，只要食嘅餸唔太肥膩，包你瘦兼身體腸胃都冇咁差！」於是，回家後我真的餐餐吃飯，連吃零食的次數也少了，兩星期後真的輕了兩三磅，運動也不那麼易疲累，食吓食吓，就愛上了吃飯的充實感覺。
不過，話晒都係澱粉質，於是我選擇了較多纖維的紅米來吃，雙重保險嘛！為了讓腸胃適應，可溝一半白米，不過，煲煮之前，先將紅米浸兩三小時或以上，才跟白米一起煮，否則，白米熟透了，紅米依然生生硬硬；而且要先洗後浸，以浸完的水來煮，別浪費它的精華營養啊！
飯的可塑性其實很高，我最愛將它揑成飯糰，把三文魚肉碎、肉鬆或酸梅等放在內，表層再加點鰹魚紫菜芝麻碎，吃時再點Wasabi沙律醬同吃……咦，又係沙律醬！（十八）老四小吉