上周五收市後，聯交所紀錄顯示李超人周一至周四增持長實（001）逾1千萬股，動用銀両達7.6億元。
周五晚，紐約油價雖創新高，美股卻冇乜事。喺李超人增購長實嘅支持下，長實估計有運行，短線做嘢，跟紅頂白，買啲長實C輪。
長實C輪4842：短炒長實C輪，4842係理想對象，10月尾夠鐘，輪價42仙，溢價2.9%，槓桿率17.3倍（有效11.3倍），引伸波幅16.3%。想搏殺些少，則向3935埋手，隻輪10月中到期，輪價25.5仙，溢價3.9%，槓桿率28.5倍（有效14.9倍），引伸波幅15.1%。
重想更加搏殺，揀3798，呢隻已近末日，下月18日夠鐘，下月12日最後買賣，輪價28.5仙，溢價0.4%，槓桿率25.5倍（有效22.8倍），引伸波幅10.8%。
和黃C輪3936：長實如果上去，和黃（013）亦會跟埋，亦可博李超人增購和黃。
揀和黃C輪短炒，吼3936，10月上旬夠鐘，輪價32仙，溢價2.8%，槓桿率21.6倍（有效13.1倍），引伸波幅16%。想搏殺，炒3808，呢隻將近末日，下月中夠鐘，爆炸力大好多。
章盛