《蘋果日報》今日慶祝創報十周年。記得黎智英在回歸前兩年，即一九九五年創辦《蘋果》，當時很多人都不看好，然而在經歷了風雨冰霜後，《蘋果》沒有腐爛，反而得到許多市民的愛戴，讀者超過一百萬。
趁着十周年這個特別的日子，我們訪問了市民讀者及各界翹楚，向他們徵集意見，好讓我們結隊向前邁進第二個十年時，有腹稿有方向。
有民主女神之稱的《四十五條關注組》成員余若薇對《蘋果日報》的期望十分大。她引述一位資深法律界人士說，「好在香港有《蘋果》，有啲其他報紙唔敢揭露、唔敢講嘅嘢，《蘋果》都敢報道，有呢一類報紙，政府好多嘢未必敢亂嚟。」這位法律界人士更補充說：「香港冇真正民主，所以好靠新聞自由，靠傳媒去監察政府。」
余若薇自己則認為，「做新聞傳媒最緊要係可以領導輿論，可以揭露人哋唔知嘅嘢，可以影響甚至改變社會嘅發展。」回顧過去十年，她覺得《蘋果》最好的是立場同路線一直比較清晰，讀者知道「你哋嘅企位……好多人話要平衡要中立，但係一般讀者希望報紙立場清晰，佢哋想知睇緊乜，其實香港人一人睇好多份報紙，佢哋識過濾，最怕扮中立。」
反映港人想法很重要
余若薇認為作為一份大報，今天的《蘋果》在看重市場和讀者口味之餘，也應該照顧香港社會的需要，負起領導社會潮流的責任。「我明白你哋要生存，無可避免要以吸引讀者為先，好多軟性新聞同花花絮絮，但係唔係只滿足讀者嘅好奇心同鍾意八卦就夠，你哋應該為香港人做番多啲嘢，可以先天下之憂而憂，可以帶啲問題出嚟討論，好似政制、環保、教育等等。」
在余若薇的眼中，大眾傳媒的影響力十分大，非個人或團體組織可以比較。這個觀察，是她吸取了辦網上電台的經驗有感而發。余若薇說，雖然45網絡電台的聽眾不是很多，但她和湯家驊、梁家傑和吳靄儀仍堅持每周一在網上與聽眾相聚個半小時。「我哋希望大家習慣多一個渠道發放消息，當然冇成本效益可言，但係為咗爭取民主，都要keep住做。」
《蘋果》在十年前今日，創刊的第一篇社論，題目是〈我們屬於香港〉，余若薇覺得有一張報紙反映香港人想法十分重要，「董建華最大的失敗原因，是太過執行北京嘅意志，反映北京嘅睇法，唔反映香港人想法，希望曾先生上場唔會重蹈覆轍，真真正正反映港人嘅睇法。」
最後余若薇希望《蘋果日報》有好多好多個十年！
傳真︰2623-9278
電郵︰[email protected]