中遠路演真奇妙
鮑卿為我把勢做
倫敦天空見佛光
雙贏上市有吉兆
大型新股今個月輪住嚟，繼滙豐撐嘅交行招股後，輪到經營集裝箱運輸同埋揸住藍籌股中遠太平洋嘅中遠控股出場，今日開始公開招股。公司噚日舉行視像會議，講解詳情，大家都關心中遠控股上市後，航運業會否見頂。董事長魏家福惟有講到口水乾，力證航運業前景仍然頂瓜瓜。
最後，魏總出絕招──吟詩。事緣美國前國務卿鮑威爾，上周來港出席太平洋地區經濟理事會國際年會，同魏家福相遇，勁讚中遠品牌超卓，有助推動中美貿易同關係云云。魏總之後去歐美進行路演，喺飛機上有感而發，寫咗本文前面嗰首詩。
呢首詩唔知屬於乜體裁，蘭西希望，認購中遠嘅散戶，最後得到吉兆，而唔係得個吉啦。