自由黨主席田北俊凡事都精打細算。他說覺得《蘋果》「好抵睇，最多嘢睇」，有經濟版、政治版、港聞版、馬經版同娛樂版，頁數多、廣告多，紙質同墨都靚，相也拍得好。
讚完之後，田少又作出批評。他說自由黨人都覺得《蘋果》為促銷，很多時沒顧及被報道者感受，例如有意外發生，人家家屬很傷心，記者重影相，如果發生在《蘋果》員工身上，會唔會同樣報道呢？
問他十年來對《蘋果》最深刻印象是甚麼？他說當然是二○○三年七月七日，當時他在無可奈何之下，決定不支持政府繼續為23條立法，宣布退出行會，結果全港報紙都以他做頭條，包括《蘋果》，田少形容這是他從政生涯最大的決定。
問及這位23條英雄《蘋果》有甚麼要改善？他說，「《蘋果》銷量咁好，當然有成功之處，所以冇理由畀意見你哋。反正香港張張報紙有不同作風，選擇權喺讀者，唔鍾意可以唔買你。」
傳真︰2623-9278
電郵︰[email protected]