港大醫學院以李嘉誠命名引起好大爭議，今日就有一班大醫生集體靜坐抗議，不過各位如果想長命過百歲，最好就唔好反對嘞，聽吓沙士英雄港大微生物學系主任袁國勇教授講。袁國勇噚日喺香港電台節目《香港家書》寫信畀爸爸，佢話醫學院嘅研究目標係克服一切不治之症，希望將港人嘅壽命延長到一百二十歲，但研究要錢至可以實現，所以十億元嘅捐款好重要，而且外國都有好多例子，以捐款人命名學院唔會影響學術自由，香港應該有捐贈文化嘅新思維。
袁教授又喺信裏面透露咗少少童年趣事，佢話自己小學一年級上學期考試考十五名，結果俾阿媽罰打十四下手板，到下學期考二名，以為好叻，點知都畀阿媽打一下手板，袁教授有今日成就，真係要多謝阿袁伯母！
爆料熱線：29290000、27860099
報料傳真：26239278
報料電郵：[email protected]