周麗淇、鄭伊健等前晚在中環國金IsolaBar出席手袋品牌Hogan的派對，周麗淇表示將首次上《勁歌金曲》，心情既緊張又興奮，但未必能現場演唱，她說：「我今朝拍嘢拍到六點先收工，又有少少感冒，可能唱唔到live，要咪嘴。」
問她其姊周汶錡最近新聞多多，被雜誌拍到與富豪蹺手按摩，她說：「嗰個uncle我哋全家都識，佢重契咗我家姐㗎。係有富豪照顧就好啦，唔使做得咁辛苦。冇法啦，家姐人靚身材好，係好多人關心佢，不過佢一向都百毒不侵㗎啦。」
伊健請父親旅行
此外，鄭伊健透露會出錢請爸爸去旅行作為父親節禮物，問他父親有沒有向他催婚，他說：「阿哥阿妹都結咗婚，爸爸會放過我，唔係話冇諗過結婚，不過想喺冇壓力之下進行，做呢行拍過咁多結婚場面，都知結婚係幾咁煩㗎啦。」
另外，周麗淇昨日在觀塘出席「尋找男朋友之求愛一叮」記者會，吸引了各界型男參加，最後勝出者為曾參加《殘酷一叮》的翻版周杰倫，他在台上大唱《雙截棍》兼表演魔術，𠱁得周麗淇開懷大笑，但周麗淇因感冒聲沙未能獻唱，改玩遊戲代替。
