【本報訊】曾批評候任特首曾蔭權「公關技巧一流，道德水平就差些」的選舉委員會委員鄔維庸，昨日再公開批評曾蔭權，表示若曾作為政客，其能力足夠有餘，但缺乏他自稱的政治家應有的風度，他認為曾當選後應自省，「千祈唔好畀票佢就係朋友，唔畀票就係敵人。」
政治家不能有敵人
身兼全國人大代表的鄔維庸，本月初出席曾蔭權的選委諮詢會時質疑曾蔭權道德水平較差，並指他沒有承擔過去七年的施政失誤，缺乏自省。鄔維庸昨出席香港電台節目《政黨論壇》時再評論曾蔭權為人，並說觀察到新現象，他說曾蔭權表示競選時認清朋友與敵人，但作為政治家不能有敵人，「反對佢、畀意見佢、批評佢就當係敵人，呢個就唔係政治家風度。」
鄔維庸又指世上沒有完人，「就算當選，囊括所有嘅票，都一定要認清自己有不足之處，我對佢嘅進言，應該自省多啲，責他少啲，自我少啲，欣賞多啲，感激多啲，佢𠵱家位高權重，呢幾點更加重要。」
早前指曾蔭權公關技巧一流的鄔維庸又說，以曾蔭權的能力，擔任行政總裁、企業家都足夠有餘，「作為政客都足夠有餘，超過一百分，超額㖭。」但未必達到政治家水平，「作為佢嘅志願政治家，我可能要求又提升啲。」
「賢者無出嚟參選」
近日不時公開批評曾蔭權的鄔維庸，昨日又諷刺曾蔭權自動當選，「個個都無準備參選，避免真空，點都要搵個人頂上，結果能者、賢者都無出嚟參選。」