趙世曾的子女式芝和式正日前買了一隻萬多元的限量版波爾表送給他作父親節禮物。趙世曾分享為人父親的點滴時表示會將做人道理傳授子女，不過他說：「講得多又唔啱聽，所以我要學習做一個慈父。」
趙世曾的感情生活一向多姿多采，日前接受本報專訪的他趁父親節細談作為二子一女父親的點滴。對於與子女的相處，趙世曾說：「同佢哋以朋友身份相處，因為佢哋同媽咪住，好多時佢哋媽咪會教，我都係將自己嘅人生經驗、做人道理話畀佢哋聽，𠵱家唔可以好似我哋上一代以嚴父對待，講得多又唔啱聽，所以我要學習做一個慈父。」
想女兒早出嫁
女兒式芝現正積極參與公司業務，問趙世曾會否悉心培育女兒作為他的接班人，趙世曾說：「等佢學下嘢先，佢出面有公關公司；藝術方面，睇下佢自己點發展，不過我覺得佢要改善遲到嘅習慣，因為守時係有信用嘅表現。」問他對式芝有何期望，趙世曾說：「我都係想佢早啲結婚。」
學守時除惡習
趙式芝日前與弟弟式正（Roman）夾份買了一枚價值達一萬一千六百八十元的限量版波爾表作父親節禮物，趙式芝說：「爹哋鍾意收藏手表，之前又見佢隻表壞咗。」談到對父親的觀感，趙式芝指父親很傳統，她說：「佢都幾慈父，不過唔多嘢講，點到即止，之後要自己反省下。」
至於父女相處方式，趙式芝笑說：「平時盡量都會陪佢食下飯，得閒寫啲心意卡，有時都想同爹哋有個bighug，不過我哋係屬於心照嗰種。」對於被父親投訴遲到，趙式芝解釋說：「我唔係特登，可能自己性格想做太多嘢，不過只得一雙手、二十四小時，我會學習守時。」
採訪：RitaLeung
攝影：HoKwokHo、MatthewLam
鳴謝：喜運佳鐘表（銅鑼灣波斯富街）
