記得小時候去戲院睇第一集《星球大戰》，睇到「嘩」「嘩」聲，因為特技大師佐治魯卡斯巧妙地運用視覺特技，將大家帶到一個常人想像力以外的世界。魯卡斯拍《星戰》第一集時，需要動用大量模型及光學的技術去製造特技效果，因為當時電腦特技仍未發明，電腦仍未普及。
短短二十年，電腦發展速度驚人，電腦開始被應用到電影特技上，導演的想像空間可借助電腦把它變成真實，令一個特技大師史匹堡的《侏羅紀公園》大量使用電腦特技，把幻想中的恐龍世界模擬出來。記得當年在戲院觀看的時候仍是「嘩！好真呀！嘩！好勁呀！」總之都重係睇到「嘩」「嘩」聲。
近年電腦發展速度嚇死人，電腦特技被過份利用在電影上，普通打着以特技作招徠的電影，已經吸引不了觀眾，有部份會睇到「媽」「媽」聲。因為大部份觀眾已習慣了電影內的電腦特技。部份觀眾在家中的個人電腦也可以做到某程度的特技視覺效果。所以電腦特技的電影吸引力已經大不如前，魯卡斯的《星戰前傳3》就是一個證明。
拍攝《頭文字D》前問過香港特技大師劉偉強一些技術上的問題，因為《頭》片內有很多高難度的賽車鏡頭要借助電腦特技，劉偉強的答案很簡單嚇人：「基本上我哋可以唔使去日本秋名山拍，因為可以全部用電腦畫出嚟，如果係咁，我同你都冇乜用，叫幾個做電腦特技嘅人搞掂就得喇。」所以我下定決心要愈少電腦特技愈好，原定有一百二十多個鏡頭需要用電腦把車子加進去，結果最後只有六個鏡頭是做了電腦特技的。