鄭中基主演的電影《龍咁威2之皇母娘娘呢？》將於下月一日上映，鄭中基表示除了搞笑外，也想傳遞做人要負責任的訊息，對於同期上畫的大製作《頭文字D》，鄭中基表示從不擔心，他說：「人哋大投資大製作，我唔係唔怕，係冇得怕，其實片種唔同，佢哋係吸引鍾意車同漫畫嗰班觀眾，我呢套係唯一嘅搞笑港產片，原來好多OL都鍾意睇抵死賤格嘢，兩套睇晒咪得囉！」
至於唱歌方面，鄭中基推出新歌《無賴》踩自己，新碟預計於暑假才推出，他還準備明年四月在紅館舉行處男個唱，所以今年下半年都不會再拍戲，專注歌唱事業。
兩年後退居幕後
鄭中基計劃兩年後退居幕後，主力做唱片監製，有好劇本才偶爾拍戲，他說：「我覺得做幕前好煩，冇晒私人空間，其次係我根本一開頭係想做唱片監製，當初係有人提議我，話趁後生試吓做歌手，唔啱咪唔做囉，等開埋演唱會，我就冇嘢要留戀，藝人要為未來鋪路，好難做到老，我情願自己走，好過觀眾嫌棄你先黯然離開。」
採訪：蔡如玉
攝影：仇志德
髮型：HoraceTse@ChinG.
化妝：YenLai
場地提供：GOGOCafe