葉璇、楊思琦、張文慈及陳煒等，昨日應邀到旺角為Spela護髮公司剪綵，由於四位靚女均是該店老闆娘的好友，故今次純粹義務撐場，但她們仍悉心打扮赴會，思琦穿上連身短裙迎夏日，張文慈則以低胸露肩裙亮相。
工作告吹非因錢
葉璇自言首次不收分文出席剪綵活動，提到早前有消息指她拍劇酬金叫價高過黎姿，葉璇說：「咁抬舉我呀，平時工作我都係交畀經理人傾，既然無綫安排得，我會信任，合作唔成可能唔止係錢呢，重有好多因素，雖然我到月底就約滿無綫，但我嘅工作已排到下年，多謝無綫好好咁將我嫁咗出去。」
而楊思琦則透露男友李永豪拍攝完古裝劇後有脫髮現象，她說：「我會諗吓點樣幫佢補救，因為甩頭髮佢都唔開心。」
採訪：卓寶花 攝影：陳偉權