郭富城早前的演唱會獲一致好評，前晚他在銅鑼灣舉行慰勞宴，除了花十多萬包場，城城還拿出十萬元作現金抽獎，導演關錦鵬便抽到三千元。
前晚有歌迷寫了一張大卡投訴城城過瘦，對此他說：「其實我已經肥咗四、五磅㗎啦，𠵱家大約係一百二十四磅左右啦，但係我之後要做巡迴演出，所以唔可以一下子肥咁多。」
暑假出DVD
由於演唱會成績理想，城城希望加開第三、第四部曲，他說：「到時可能會以音樂劇嘅表演方式同大家見面，但係一定唔會係今年嘅事。」此外，城城亦要求公司不要太早推出演唱會DVD，他說：「因為第一同第二部曲嘅日子太近，我唔想觀眾覺得太似，我就要求公司將兩次夾埋一齊出，應該今個暑假就會推出。」
採訪、攝影：胡比