何超瓊前晚在中環蘭桂坊出席珠寶活動，其旗下公關公司天機的前創作總監雲何婉薇離職，天機日前向傳媒發聲明指與雲何婉薇再無關係。超瓊對此表示與雲何婉薇從來不是朋友，因為天機如同她的家，不是成員便要離開。
賭王何鴻燊千金何超瓊、榮雪梅和名模周汶錡等前晚在中環蘭桂坊，出席珠寶名牌VanCleef&Arpels的派對。問何超瓊明天父親節會送甚麼禮物給父親，她說：「往年都係送呔、送衫，今年諗住送啲補身嘅健康食品畀爹哋。」
何：未試過係朋友
超瓊旗下的天機公關日前發聲明給傳媒，指天機前創作總監雲何婉薇已經離職，對方自行開新公關公司，為免混淆，所以發出聲明。以往見超瓊與雲何婉薇常以戰友姿態出現，加上雲何婉薇的形象「很天機」，超瓊一聽即說：「佢『好天機』？我唔覺噃，係咁佢又去開另一間公司？天機係我一手一腳搞嘅，講番轉頭，客戶有佢嘅自由揀公關公司，大家各有各做啫。」
問超瓊與雲何婉薇是否仍是好友關係？超瓊說：「我同佢未試過係朋友，佢係我生意夥伴嘅朋友啫，我個人好隨和，可以接受同任何人合作，天機係一個小家庭，唔係家庭嘅成員就唔喺度㗎啦。」
雲：想有更大空間
雲何婉薇昨日接受電話訪問時則表示與超瓊仍是好友，她說：「我喺天機重有股份，重係股東，喺出面做嘅係另一樣嘢，以顧問形式幫人，發生呢件事可能中間有誤會啦。」記者告訴雲何婉薇前晚超瓊一聽她形象「很天機」時表現不悅，雲何婉薇說：「佢（指超瓊）係一手一腳搞起天機嘅，不過我呢幾年都好勤力，係應份嘅。我喺呢間公司五年幾都好開心，離開係想有更大空間做多啲嘢，而且啲仔女開始大，要有更多時間陪佢哋。我同超瓊從來冇拗撬，間中重有約出嚟飲嘢㗎。」
採訪：RitaLeung
攝影：ChenWaiOn
