二十位港姐候選佳麗前日在馬爾代夫拍攝外景，9號麥雅緻擺甫士時不時擘腿，惹來露毛疑雲。另一方面，嘉賓方力申與港姐相處數天後，選出12號張允芝、15號陸詩韻和18號袁彌明為心目中的三甲人選。 記者卓美娟、葉君海馬爾代夫直擊
二○○五年度香港小姐候選佳麗前日在馬爾代夫進行最後一日外景拍攝，齊齊穿上三點式泳衣在沙灘擺甫士，不過9號麥雅緻拍照期間不時擘腿，結果惹來露毛疑雲，起初她還不知自己春光乍洩，還問在場記者她的甫士是否好看，大約拍了半分鐘，工作人員才發現問題，上前加以制止。
讚18號袁彌明夠敏銳
與一眾佳麗相處了四日的方力申，前日選出了心目中的三甲人選，分別是12號張允芝、15號陸詩韻和18號袁彌明，方力申說：「陸詩韻外表同身形都好平均，佢外形成熟啲，好有港姐風範，性格又開朗，大方得體，做親善可以壓到台。張允芝好上鏡，個性好活潑，學歷又高。至於袁彌明最啱食呢行飯，佢對鏡頭好敏銳，個樣似Fiona（薛凱琪），係三甲人選。」方力申未有選中連日勁冧他的「網球女將」13號李思雅，他說：「可以揀多幾個都會揀佢嘅，佢好健談好舒服。其實班佳麗唔係我朋友，同我唔熟，呢個係我好公平嘅選擇。」
對於被方力申點名稱讚，陸詩韻說：「每個佳麗都有特別之處。」袁彌明曾拍攝電影《PRGirls》，難怪擅於面對鏡頭，她說：「朋友都話我似Fiona同唐寧，我嘅自信心一定有，唔會因為俾一個人讚而信心大增，同樣唔會因為俾一個人彈減低自信心。」張允芝則說：「方力申教咗我哋點面對鏡頭，我每晚返房都會練習。」
不應過份計較得失
此外，方力申透露與一眾候選港姐拍攝了感性的訪問片段，部份佳麗還感動落淚，他說：「11號蕭曉佳得嗰十七歲，佢重好細個，得失唔好計較咁多，去咗咁多地方見識已經係bonus。」
