有份演出《蝙蝠俠——俠影之謎》嘅日本演員渡邊謙，將會首次擔正主演日本電影《明日之記憶》，呢部戲係改編自日本小說，渡邊謙扮演一個患咗老人癡呆症嘅中年人，同扮演佢妻子嘅女星樋口可南子大鬥演技，兼且向觀眾發放催淚彈。渡邊謙喺八九年患上急性骨髓性白血病，搞到佢錯失咗一次做主角嘅機會，今次終於可以一嘗做主角嘅滋味。