中原網上地圖出咗好多年，已經超過兩億瀏覽人次，認真唔講得笑。對手美記，近日終於有網上地圖面世，美聯資訊科技總監馮浩陞急不及待透露，遲啲會推埋澳門同深圳地圖。
馮浩陞話，美聯地圖包括各區樓宇同成交資料，未來會加添更多功能，短期內會有電子手帳版面世。網址為www.midlandmap.hk。
蘭西睇過，發覺同中原地圖設計有啲似，但資料少咗啲，不過，喺地圖上隨便click吓，好多盤都會有地區、樓盤名稱同地址顯示畀你睇，又幾方便，呢樣係中原地圖冇嘅。
中原執董張奕威對美聯地圖面世，並不放在心上，佢話集團正密羅緊鼓，搞緊全新更易用嘅版本，遲啲可以出街。佢話，中原地圖𠵱家每日嘅瀏覽人次有四五十萬。
電郵地址：[email protected]
