無綫節目《東張西望》主持陳穎妍最近獲珠寶商贊助出鏡鑽飾，她早前到中環挑選，並一口氣試戴了多款鑽飾，陳穎妍表示曾獲雙親送鑽戒賀她成年，她視之為家傳之寶。
陳穎妍最近主持無綫節目《東張西望》，獲珠寶公司MaBelle贊助出鏡鑽飾，她早前抽空到中環IFC的MaBelle專門店挑選，對飾櫃內設計新穎的鑽飾愛不釋手。
好友贈兩卡鑽戒
問陳穎妍平時是否經常花錢購買鑽飾裝身，她笑言：「哎吔，咁梗係最好有人送啦！」那陳穎妍豈不是經常收到鑽飾禮物，她說：「我都有收過鑽石戒指，約兩卡重，對方唔係男朋友，只係一位『好朋友』啫。我最記得喺我十八歲生日，爹哋同媽咪送我鑽石戒指當做我成年嘅禮物，我覺得好有紀念價值，有時我都會拎出嚟戴，重會留番畀下一代，做我嘅家傳之寶。」
誇張簡約皆鍾意
陳穎妍先後試戴了多款鑽石耳環、鑽鏈、鑽石手鈪及戒指，十分閃耀，全部總值約十多萬元。她表示一直是MaBelle的捧場客，她說：「我好鍾意佢哋啲設計，款式幾特別，價錢都OK。」問陳穎妍喜歡甚麼款式的鑽飾，她說：「誇張同簡約嘅款式我都鍾意，因為可以喺唔同場合佩戴。不過如果鑽戒只係大大粒，乜嘢款式都冇，我又嫌佢太俗氣。」
此外，陳穎妍現與林曉峰和梁榮忠合作主持《東張西望》，她說：「因為係現場直播，所以要口齒伶俐，加上同佢哋合作，好講執生技巧，我都要醒目啲。」
採訪：比華利
攝影：葉君海
髮型：RoyYung（Beguided）
