捷成洋行失去法國雷諾汽車代理權，仍然積極擴充，接連以二千幾萬，買入北角過萬呎地廠，作為汽車陳列室。 美記話，捷成剛以六百三十萬，買入七姊妹道東建工廠大廈B座二千八百呎地廠，二千二蚊呎，較上手三月作價高九巴仙。 據講，捷成洋行二月以近二千二萬，買入隔籬A座九千四呎地廠，第二日打通夠晒大。 代理話，呢排消費信心增強，汽車代理行業好做咗，除咗北角，黃竹坑地廠都有唔少車行需求，車行搵得，通常都要夠大嘅。