煲呔自動當選，好多人都冇驚喜，不過對煲呔嚟講，就認真意義重大。
因為佢真係按《基本法》嘅規定，正式當選為真的特首而唔係甚麼假的特首、代理特首或者署理特首。
所謂名正言順，佢從今開始，可以做真的我，展開所謂「曾蔭權時代」。
八方梗係祝佢好運，因為喺拉提名票期間，佢開咗唔少期票，答應呢樣嗰樣。勞聯嘅李鳳英就同八方講，佢會金睛火眼昅住煲呔上任後會唔會兌現，唔係過咗海就係神仙。
鳳英姐話，曾蔭權喺上個星期四晚上打電話畀佢，話知佢重未提名任何人，當時煲呔話過會認真跟進標準工時同最低工資嘅要求，佢覺得煲呔係攞個心出嚟做，加上佢同達仔以及詹培忠嘅票數相差太遠，所以最後都係將提名票畀咗曾蔭權。
傳真︰2623-9278
電郵︰[email protected]