曾蔭權未來兩年除要落實他在競選期間開出的承諾外，有親北京政界人士透露，中央對曾也有期望，最希望他可以分化民主派，透過未來政制檢討控制民主派擴權，同時化解香港社會矛盾，避免類似7.1有五十萬人上街的事件重演，令中央要再費神處理香港問題。
獲鄭經翰助選見功力
不少民主派人士均認為，中央選擇曾蔭權當特首，主要因為他「聽話」，又善於利用建制打擊反對派，「所以中央一定會叫佢整死民主派。」有親北京政界人士承認，民主派這想法並非無中生有，事實上自前年7.1遊行後，中央已視民主派為香港「添煩添亂」的其中一個根源。
曾蔭權上台後，中央將要求他進一步分化民主派，「呢樣嘢曾蔭權已經成功咗，你睇今次特首選舉，大班（鄭經翰）幫佢拉民主派啲票，民主派已經開始分裂。」未來政改曾蔭權一定不會將民主大門開得太大，「若果民主行得太快，民主派、反對派影響力上升，呢個唔係中央意思，曾蔭權可以點樣搞掂反對派之餘，又令保守政改方案過關，就係中央畀佢嘅題目。」
「唔可以再有大亂子」
除「打散」民主派外，該親北京政界人士稱，中央在未來日子要處理國內外多個重要問題，無暇為香港「補鑊」，所以北京希望曾蔭權可以穩定香港社會，「有小問題冇所謂，但係唔可以再有大亂子。」曾能否多做五年，將視乎他是否可以完成中央給予的任務。
本報記者