香港理工大學紡織及製衣學系昨日於尖沙嘴洲際酒店舉行畢業生時裝展及比賽，並頒發多個獎項，奪得全場總冠軍的彭啟聰及亞軍畢重媛的設計作品，獲評判高度讚賞。前者設計以白色為主，後者則以花卉圖案為主題，取材不同但都帶出浪漫感覺。
香港理工大學紡織及製衣學系昨日於尖沙嘴洲際酒店舉行畢業生時裝展及比賽，分別展示四十多名學位及高級文憑學生，以及碩士課程學生的作品，並即場頒發多個獎項。
琳瑯滿目
昨日展出的學生作品風格不同，可說琳瑯滿目，其中以學生彭啟聰及畢重媛成績最為驕人，前者分別獲得全場總冠軍、最佳創意獎及遊學丹麥的獎學金，而畢重媛則獲全場總亞軍、最佳市場潛力獎及最佳飾物搭配獎。
有份擔任評判的楊其彬對參賽學生的作品讚不絕口，他說：「因為學生都唔會有好多資源，而且過往好多學生嘅作品風格都太過側重誇張，唔真實，但係睇番今日（昨日）攞最多獎嘅彭啟聰同畢重媛，佢哋嘅風格完全唔一樣，但係同時都做到浪漫嘅感覺。」
太空感強
楊其彬續說：「彭啟聰嘅作品『ExternalDistortion』以全白色為主，有遙遠嘅太空感，用咗好多pleatsdetails，件衫texture感好豐富。亞軍畢重媛嘅作品叫『ExternalBlossom』，由頭至腳都係用floralprint布料，但係一啲都唔俗氣，反而有花團錦簇嘅美感。」
採訪:DebbieLum
攝影:EdwardChou
