五十歲嘅韓國搖滾教父全仁權，早前出席女星李恩宙嘅喪禮時表現傷心，前日佢向當地傳媒自爆同李恩宙拍過拖，佢話：「我愛恩宙，恩宙亦愛我，是男女之間的愛情。」佢重計劃推出自傳《不要擔心，我的愛人》同發表追悼恩宙嘅歌曲。但全仁權嘅言論就嚇親恩宙阿媽，恩宙嘅經理人亦話：「這話題令逝者成為世人談論的對象，這是前輩應作的行為嗎？」