何韻詩日前拍攝新歌《化蝶》MV，由於歌曲以《梁祝》為主題，她更一人分飾梁山伯與祝英台兩角，又演繹二人殉情後破繭而出化成蝴蝶的過程。
導演找了一個兩個月大的嬰兒客串，阿詩更要躲在十分狹窄的繭中，屈膝長達三個半小時，所以拍攝前兩小時，阿詩不敢飲水，她說：「今次真係施展忍功三小時以上，因為個繭好迫，又加咗啲棉花，所以整個過程我都唔敢輕舉妄動，要保持住個蝦米甫士，真係幾辛苦㗎。」
揼骨鬆弛
阿詩今次更找來許愿為她排舞，她說：「其實我原本諗住搵佢做音樂劇嘅舞蹈總監，不過我希望MV入面加啲跳舞，所以搵佢幫我排咗隻舞。佢重特登到場監督住我，真係好多謝佢。」雖然阿詩只花了一星期排舞，但已令她腰痠背痛，拍攝前一晚她要去揼骨按摩，鬆弛一下。