港大校友兼立會議員郭家麒因為港大醫學院命名事件而非常煩惱，佢同八方講，外間可能好難理解佢哋嘅感受，就好似將港大醫學院嘅過去、現在同將來一鋪賣斷，你話校友係咪好心痛？
郭醫生話，佢都唔知星期日父親節會有幾多港大人會出席靜坐，但係都要抗議到底。原來郭醫生已通過唔同渠道去打聽校方有冇機會改變初衷，因為佢哋提咗好多方案，不過，聽講李嘉誠收回成命嘅機會好低。
人年紀大可能諗嘢都唔同晒，曾幾何時，李嘉誠捐好多錢畀汕頭大學，但係一個名都唔要，佢重以此為榮，叫啲財經記者學習。
本來今次李超人捐十億係一件美事，有啲市民一家四口寫信畀徐立之表示支持；一班前高官如施祖祥、鄺其志，以及王䓪鳴都去信撐學校，但始終係有校友唔開心，都真係不幸囉。
傳真︰2623-9278
電郵︰[email protected]