陳慧琳（Kelly）昨日出席快餐店宣傳活動，對於曾蔭權當選特首，Kelly極力支持，但她希望曾特首能打擊潛在多年的翻版歪風，而張同祖則不滿曾蔭權沒有與電影界溝通，故對他沒有期望。
陳慧琳昨日在青山公路一豪宅出席「麥當勞夏日繽紛系列」發布會，對於曾蔭權當選新任特首，Kelly說：「佢係我心目中嘅人選，印象又好，大家都支持佢，希望佢幫我哋多啲，特別係打擊翻版，香港打擊翻版咁多年都係咁，希望曾生畀少少行動。」
「呢個system好騎呢」
另外，張同祖、梁洛施（Isabella）和關智斌（Kenny）昨日在電影資料館出席活動，張同祖表示對曾蔭權沒期望，他說：「我對佢冇乜期望，佢對我哋亦冇乜期望，就算當選關我哋乜事？我哋都冇份選，佢從來冇同我哋嘅界別傾過。佢明知自己贏，點解重咁高調落區，而且又使咁多錢？點解佢唔同全港人溝通，只對七百幾個人負責呢？最慘係呢個system好騎呢，做得兩年，佢認識晒啲界別就夠鐘散場啦！」
志偉：佢當選係好事
此外，曾志偉則力撐曾蔭權說：「曾蔭權當選係好事，佢喺政府公務員架構咁耐，熟悉公務員運作，佢嘅強治理念係啱，香港俾殖民政府管治咁耐，要慢慢民主，唔使咁急。曾生上任之後，我哋希望派代表同佢傾吓，主要有三樣嘢，第一，香港可以參考韓國政府，當地政府會呼籲大企業投資電影，因為香港缺乏大財團；第二，香港嘅大學應該有電影系，可以讓有能力嘅學生到外國留學；第三，政府可以設立電影後期工作間，提供平價後期工作技術，幫助電影發展。」
採訪：張俊銘 攝影：何國豪
