本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如有任何疑問，可致電勞工處熱線：27171771查詢，此熱線會由「1823政府熱線」職員接聽。
阿醒：蒙老闆，你唔係嘛！重未同班員工制訂颱風暴雨工作安排？
阿蒙：有乜咁大不了？又唔係欠薪冇假放。打風落雨要返工，好平常，唔使整乜嘢安排咁複雜喎。
阿醒：你咁樣諗就out啦！𠵱家好多機構已經同員工訂明喺颱風或者暴雨時候嘅工作安排。當遇到天文台發出唔同颱風訊號或者暴雨訊號，勞資雙方都清楚知道點樣做，唔會到時先至個個問人力資源部，連電話都打唔通啦！
阿蒙：都冇乜嘢要特別安排！
阿醒：正所謂天有不測風雲，如果未返工就發出八號強風訊號或者黑色暴雨訊號，咁員工需唔需要返工？又如果做做吓嘢先至發生，咁又點呢？萬一……
阿蒙：得喇得喇！我間公司又唔係大，同員工講幾句咪可以交代囉！
阿醒：你咪以為敷衍班夥計就算數，員工最怕公司唔清唔楚。如果公司將工作安排詳細列明，就唔怕混亂，亦唔會有拗撬。大家關係好，員工做嘢就當然落力啲啦！所以你應該盡快同員工就上班、下班、復工等情況訂明工作安排，重要包括工資同埋津貼嘅計算方法！
阿蒙：好似好多嘢咁嘅！
阿醒：勞工處出咗本守則幫你手，快啲去攞番本啦！
「颱風或暴雨警告下的工作守則」可以在勞資關係科各分區辦事處索取，亦可在勞工處網頁下載，網址：www.labour.gov.hk
資料提供：勞工處勞資協商促進科
服務熱線
電話：29908288
傳真：23702192
電郵：[email protected]