拍拖難，甩拖更難！2005男歡女愛，不再是甚麼愛你一生一世（諗起想死），而是講求抽身的速度和技巧。想撇人又不想糾纏不清，最絕是教他非撇你不可。這個甩拖72小時日誌，教你如何把他由愛情受害者變成兇手，包他三天之內逃之夭夭！當然，不想甩拖，就要引以為戒！
記者：李湘虹
攝影：陳盛臣
插圖：Luckycloverland
第1天
吃飯時堅持他眼金金昅個女侍應，並指他不及你的第N個男友愛你。
一回家，狂打電話給他，問他有冇掛住你。求他過來你屋企。
做完愛後，不停講話。
解畫
記着，你不要做負心人（當然你正準備這樣做），要迫走他的第一步，是要更緊張他，讓你加諸於他身上的存在感提升，令他感到前所未有的拍拖壓力。
第2天
幫他打掃全屋，將自己的隨身用品放進他家，留幾本婚姻雜誌、結婚指南在他廁所。
把你的香水狂灑他的枕頭，讓你的氣味夜夜追隨他。
做愛中途，告訴他他愈來愈像你爸爸，並說研究指女人大多會嫁給像自己爸爸的男人。
做完愛後，狂飲泣。
解畫
提升壓力，男人最怕結婚，就處處暗示他你想結婚。指他像你爸爸，會凸顯你將會似足一塊膏藥，做完愛哭，令他煩上加煩。他一定會暗自忖度：走為上着！
第3天
跟他黐到實一實（最好出晒汗），拉他去愛護動物協會，要領養一隻寵物二人一起養。
扮你的「親戚」遲來了，要去驗孕，提醒他是孩子父親，堅持一起參加婚姻與性的夫婦治療。
他無法再拖提出分手，你當然是呼天搶地，喊到天昏地暗，向他狂車鞋、袋……
解畫
終極一擊－－有咗疑雲！將他迫到崖邊，不打算跟你「做人世」的，肯定即時棄權。當然做戲要做全套，又哭又鬧少不得，誓要煩得他頭也不回。
偷橋搵佢
《HowToLoseAGuyIn10Days》由美國音樂人Michele和Jeannie情侶檔創作。全書用火柴支公仔以及簡短的文字講女人10天內搭上男人，然後諗計踢走佢，查實自己想𡁻完鬆的過程。內容搞笑有趣且好計多多，不妨看看抄抄橋。此書更曾被改拍成電影《10天戀愛有限期》。
街頭直擊：最惡頂伴侶
看完搞笑版甩拖72小時日誌，不如直踩街頭，看看香港這個色慾都市，人們對哪類異性一見即走冇回頭，拍拖後又最憎身邊人的甚麼習慣？如果真是要甩拖，又有乜計？
Eric
一見即走：衰格，晚晚蒲，一腳踏幾船
最憎女友：唔開心或者嬲，淨係唔出聲或者喊
甩拖有計：唔理佢，激嬲佢，講大話，搵第二個
Sandy
一見即走：講是非，背後講人壞話
最憎男友：講大話，撩女仔，掛住打機
甩拖有計：唔講嘢，成嚿木咁，冇情趣
邦
一見即走：吱吱喳喳，太黐身，兩分鐘一個Call，死纏爛打
最憎女友：攞住電話唔出聲，唔開心𠝹手
甩拖有計：唔Call佢，唔見面，同其他女仔出街、傾電話
